LAOAG CITY – Inlawlawag ni Senator-Judge Tito Sotto III ti panagusar ti alias a nagbalin a titulo ti panagsaludsod ni Senator-Judge Robinhood Padilla ken ni Atty. Mae Divinagracia iti impeachment trial idi napalabas a Domingo.
Kuna ni Sotto, nasungbatan ni Atty. Mae Divinagracia ti prosecution team mainaig iti panagusar ti alist basar iti journal-da.
Impetteng ni Sotto a ti punto ni Divinagracia ket ti Republic Act 6085 a mangi-regulate iti panagusar ti aliases.
Inlawlawag ti senator-judge a mapalubosan laeng nga agusar ti alias ti maysa nga indibidual para iti pseudonyms iti literatura, pelikula, telebision, ken dadduma pay a pang-entertainment purposes.
No awan ti umno nga indibidual iti likod ti alias, kunana a fictitious name wenno peke laeng ti nagan.
Maipalagip nga inyarig ni Padilla kadagiti banuar ti panagusar ti alias uray pay ni dati a Senator Benigno Ninoy Aquino Jr. nga addaan ti alias a Marcial Bonifacio.
