LAOAG CITY – Manamnama ti pannakaiyimplementar ti panagusar ti helmet dagiti motorista idiay ili ti Vintar.
Daytoy ti inbatad ni Police Major Joseph Baltazar, ti chief of police iti ili ti Vintar.
Inbatad na nga inlungalong da ti nasao nga addang kalpasan dagiti nagsasaruno a napaspasamak a degsrasya ti nasao nga ili.
Kuna na nga inyuman da metten daytoy a banag kadagiti maseknan kangrunaan na iti gobierno lokal.
Innayon na a ti maysa a problema iti nasao nga ili ket ti kaado dagiti madesdesgrasya a motorista a matmatay gapu ti kaawan ti helmet da.
