LAOAG CITY – Inbutatak ni kagawad Ernesto Dadiz Jr. iti Barangay 34-B ditoy ciudad nga awan ti pammalubos iti Barangay Council mainaig iti panagusar iti kuryente iti waiting shed iti ciudad ti Laoag partikular iti pagaramidan iti bilog wenno bangka .
Segun ken ni Dadiz, no maipanggep iti barangay ket mapalubosan da nga agusar ngem no personal a kasapolan ket naiget a maipawil, ngem no la ketdi ta agkiddaw da ken saan a kankanayon ket mabalin met a mapalubosan da.
Kunana a naaramid ti nasao nga outlet iti waiting shed tapnon isu iti pagkonektaran ti Barangay no adda iti programa ken adtibidad a maiwayat.
Inpettengna a basar ti obserbasion ket saan a masansan nga agusar ni Mr. Dominador Rasiles iti koryente nga araramaten na iti panagaramid iti bilog.
Innayonna a daytoy koriente ket konektado pay kadagiti street lights iti Barangay da.
Kabayatanna, maipalagip nga addan ti immun-una a nagkamang iti Bombo Radyo mainaig iti panagusar ni Rasiles iti koriente iti Barangay da para iti panagaramid iti bilog.
