LAOAG CITY – Agtultuloy ti panagwaras ti amin a klase ti monkeypox virus (MPXV) kadagiti sumagmamano a pagilian a mangitunda ti risgo nga awan sarday a transmisyon iti komunidad.
Adda ti 19 a pagilian idiay Africa ti addaan ti aktibo a monkeypox transmission no sadinno a nagduduma a clade ti nairekord iti West, Central ken East Africa.
Bimmaba ti bilang ti kumpirmado a kaso iti intero a kontinente nangruna iti Sierra Leone ken Democratic Republic of the Congo ngem adda latta ti karit iti access iti testing.
Ngimmato met ti kaso iti West Africa kangrunaanna iti Guinea, Liberia ken Togo gapu iti panagwaras ti clade IIb MPXV.
Naammoan nga idiay China ket adda ti siam a baro a kaso ti clade Ib MPXV ngem saan pay a sigurado ti estado ti transmisyon.
Inrakurak ti Türkiye ti maysa a kaso ti clade Ia MPXV manipud iti maysa a biahero idi Oktubre 2024 ngem awan ti nairekord a secondary cases.
