LAOAG CITY – Saan a natuloy ti plano ti gobierno municipal ti ili ti Bangui a panangingato ti renta dagiti negosyante nga agok-okupar kadagiti pwesto iti tiendaan.
Daytoy ti inlawlawag ni Sang. Bayan Member Susan Faylogna.
Segun kenni Faylogna, ti saan a pannakaituloy ti plano a pannakingato ti upa dagiti negosyante ket gapo iti kaawan ti pagabisaran nga ordinansa.
Nupay kasta, kuna ni Faylogna nga isagsaganan ti Sang. Bayan ti mabalin a pannakarebisar ti ordinansa a nakaipalaonan ti pagbayad dagiti maseknan.
Maipalagip nga iti kallabes ket nagkedked dagiti negosyante iti nasao nga ili nga adda ti pannakingato ti pagupa da gapo iti kaawan ti ordinansa a pagibasaran.
Innayon ni Faylogna nga iti panagsagana da ket masapol a maikunsoltar da iti daytoy kadagiti negosyante.
