LAOAG CITY – Maragsakan ni Sang Panlalawigan member Nonong Marcos iti panangaprubar iti kongreso a mapagbalin nga holiday ti Setyembre 11 wenno Marcos Day.
Segun ken ni Marcos, saan laeng nga isuna ken ti pamilya da ti naragsak iti nagbalin nga addang iti kongreso no di ket iti intero nga Ilocos Norte ken dadduma pay a rehiyon ditoy pagilyan.
Inlawlawag na a rumbeng laeng a mapagbalin nga holiday iti aldaw ti nakaiyanakan ni dati a Presidente Ferdinand Marcos gapu kadagiti ado a naaramidan na para iti pagilyan.
Innayon na nga agpapan ita ket pakairan-ranudan pay laeng dagiti Pilipino kangrunaan na dagiti younger generation dagiti naaramidan ti dati a presidente.
Gapu iti daytoy, immapela ni Sang Panlalawigan member Marcos kadagiti younger generation a saan a dagiti puro negatibo a mangmangngeg da kontra ti dati a presidente ti patpatyen da.
