LAOAG CITY – Inpetteng ni Interior ken Local Government Secretary Jonvic Remulla nga agtultuloy a manarimaan ti panangarestarda kada Senador Ronald “Bato” Dela Rosa ken ti dati a presidential spokesperson Harry Roque.
Inbatad ni Remulla nga agtultuloy ti panagsapol dagiti kapulisan tapno mabirokan ti lokasion ti Senador.
Segun kenkuana, adda dagiti araramatenda nga istratehia tapno mapaalisto ti manhunt operations.
Maipalagip a naudi a nakita ni Senador Bato idi Mayo 13 idi nakipagpaset daytoy iti session sakbay nga intakas ni Senator Robin Padilla iti parbangon ti Mayo 14.
Manarimaaan a mabirbirok ni Dela Rosa kalpasan ti pannakaiparuk-at ti arrest warrant-na manipud iti International Criminal Court (ICC) gapu iti war-on-drugs idi panawen ni dati a Presidente Rodrigo Duterte.
Kabayatanna kapada ni Senator Dela Rosa, manarimaan met a birbiroken ti korte ti Angeles City, Pampanga ni Roque mainaig iti kasona a human trafficking nga adda pakainaiganna iti Philipine Offshore Gaming Operator (POGO).
