LAOAG CITY – Inbatad ni Defense Secretary Gilberto “Gibo” Teodoro a dagiti alegasion ni Vice President Sara Duterte ken ti asawana a ni Mans Carpio a maipagarup a nakaawatda ti kuarta manipud iti gobierno ti China ket maysa a seryoso a pangta kontra iti nasional a seguridad.
Daytoy ket kalpasan ti panangibutaktak ni dati a senador Antonio Trillanes a nakaawat dagiti dua ti ginasot a milyon a pisos manipud iti Embassy of the People’s Republic of China iti babaen ti foundation ti kompania ni Duterte ken Carpio.
Gapu iti daytoy, ginutigot ni Teodoro ni Trillanes nga agisubmitir ti ebidensia tapno maimbestigaran daytoy.
Kabayatanna, inawagan met ti kampo ni Duterte ti alegasion ni Trillanes a ‘malicious and fabricated’.
