LAOAG CITY – Kinontra ni Davao City 1st District Rep. Paolo Duterte ti inaramid a panangbigbig ti Senado iti maibilang nga “heroes of Extra Judicial Killing wenno EJK.”
Nadismaya ni Congressman Pulong nga agladladingit ti Senado para kadagiti kriminal ngem naulimekda kadagiti pudno a biktima ti ilegal a droga kas kadagiti ubbing a rinames ken pinapatay dagiti adik kasta pay dagiti pamilia a naburak ken dagiti komunidad a nangriribuk kadagiti naruay nga operasion ti ilegal a droga.
Sinaludsod ni Rep. Duterte iti Senado, kasano met dagiti pulis nga inaldaw a lumablaban iti kriminalidad ken dagiti suldado a nakirinnupak ken nagbuis ti biag kontra kadagiti terorista ken New Peoples Army tapno ilaban ti komunidad.
Inpetteng ni Duterte, naipaayan ti pammadayaw dagiti “heroes of EJK” ngem saan man laeng a linagip ti Senado ti 44 a miembro ti Philippine National Police-Special Action Force wenno ti Special Action Force 44 a nagbuis ti biag para iti kinatalged dagiti umili.
