LAOAG CITY – Inpakaammo ni Bombo International News Correspondent Rene Ballenas manipud idiay Estados Unidos nga inrakurak ni European Union President Ursula von der Leyen nga iligal ken saan a makatao ti panangdadael ti Estados Unidos kadagiti imprastraktura ti Iran.
Segun kenkuana, maysa kadagiti pagbutbutngan ni United States President Donald Trump ket ti panagaramid ti nuclear weapons ti Iran ken panangsuporta ti Iran kadagiti dadduma a pagilian kas iti Yemen.
Inbatadna a dakkel ti epekto ti transportasion iti Amerika iti agtultuloy a rinnupak iti nagbaetan ti Estados Unidos, Israel ken Iran gapu iti panagngato ti presio dagiti produkto a petrolyo.
Inlawlawagna a nalidem a suportaran dagiti lider dagiti pagilian a namnamaen ni Trump a tumulong kenkuana.
Innayonna a naruay a pagilian iti Middle East ti nairamraman ti gubat iti nagbaetan ti tallo a pagilian.
