LAOAG CITY – Nakadependar kadagiti cardinal ti pannakaelektar ti baro a Santo Papa.
Ti panangelektar ti baro a Pope ket maysa a tradisyonal ken ibilang dagiti Romano Katoliko a sagrado a proseso.
No ti santo papa ket pumusay wenno agikkat iti pwesto, ti posisyon ti Santo papa ket agbalin a bakante a maaw-awagan ti “sede vacante”.
Dagiti cardinal manipod iti nagduduma a paset ti lubong ket agtitipon iti Vatican ken dagiti agtawen ti nababbaba ngem 80 ti adda karbengan na nga agbotos.
Ti proseso iti panagbotos ket sikreto ken dagiti cardinal ket agkari ti absolute secrecy.
Agbotos dagiti cardinal babaen ti panagsurat d ti nagan ti napili da a kandidato iti maysa a papel.
Matingiting a naimbag ti botos, ken ti kandidato a makaala ti 2/3 ti botos ket isu ti maideklarar a baro a santo papa.
Apaman nga addan ti mapili a santo papa ket adda ti rumuar a puraw nga asok iti Sistine chapel.
Rumuar ti naelektaran a baro a santo papa iti balkonahe iti St. Peters Basilica tapno mangipaay ti umuna a panagbendision na.
Daytoy a proseso ket maysa a pakasaritaa a tradisyon a gagem na a siguradwen ti spiritual guide iti panagpili ti lider ti Simbaan Katolika.
