LAOAG CITY – Mamati ti sumagmamano a commuter group a saan a solusion ti inaramid a panangibabawi ni Presidente Ferdinand Marcos Jr. iti naikeddeng koma a panagngato ti plete ita nga aldaw.
Inbatad ni Nanoy Rafael, Convenor ti Para Commuters Network, ti nagbalin a desision ni Marcos ket mangdegdeg laeng ti krisis iti transportasion gapu iti agtultuloy a panagngato ti langis.
Inlawlawagna nga awan ti solusion ti gobierno kadagiti arungaing dagiti drivers iti nababa a biruk, nababa a sueldo kadagiti mangmangged ken nangato a presio dagiti kangrunaan a magatgatang.
Kuna pay ni Rafael nga agkidkiddaw ti Presidente ti emergency power para iti awan.
