Ad-adalen pay laeng ti Office of the Solicitor General (OSG) ti posibilidad a maipila ti kaso a quo warranto kontra kenni Bamban, ni Tarlac Mayor Alice Guo.
Idi simmarungkar ni Solicitor General Menardo Guevarra iti Senado para iti maysa a taripnong, kunana nga iti agdama ket agur-urnongda iti ebidensia manipud kadagiti nagdumaduma nga ahensia ti gobierno.
Segun kenkuana, nasapa pay a kunaen nga adda umdas a pagbatayan a mangipila iti quo warranto petition kontra iti mayor.
Mainaig iti daytoy, pampanunotenda pay laeng no mangipilada iti quo warranto petition wenno dadduma pay a legal nga aksion kontra ken ni Mayor Guo.
Kabayatanna, karaman kadagiti ad-adalen nga ebidensia ket dagiti testimonia nga inted ni Guo iti hearing ti Senate Committee on Women, Children, Family Relations ken Gender Equality gapu ta public records dagitoy.
