LAOAG CITY – Mamati ni Atty. Jason Perera nga awan ti legal impediment ti pannakaideklara a persona non-grata ni Congressman Rudy Fariñas ditoy Ilocos Norte.
Daytoy ket gapu ta mabalin na latta ti umay ditoy probinsya.
Segun kenkuana, no gangannaet ti maideklara a persona non-grata ket maipawil a mapan ti maysa a lugar.
Nupay kasta, inlawlawag ni Perera a ti diputado ket maysa a Pilipino ken opisyal isut gapu na nga awan ti maipawil na a pagturungan na a lugar ditoy pagilyan.
Reaksyon daytoy ti abogado iti panangideklara ti Sangguniang Panlalawigan kenni Fariñas a persona non-grata ditoy probinsya seknan pay laeng ti isyu ti maipagarop a misuse of funds no sadinno nga agpapan ita ket nakadetene ti Ilocos 6 idiay Kongreso.
