LAOAG CITY – Inrakurak ti Malakanyang a maysa a wagas ti ballaag ni Presidente Ferdinand Marcos Jr. kadagiti opisial ti gobierno iti panangikkat iti puesto ken ni Arnell Ignacio kas Overseas Workers Welfare Administration.
Daytoy ket kalpasan a simrek ni Ignacio iti maanomalya a transaksion kas ti panaggatang ti daga nga agbalor ti P14-bilyon a saan nga inaprobaran ti board ti Overseas Workers Welfare Administration.
Sinerrekna ti katulagan idi Septiembre 2024 ngem idi tawen 2023 ket nagatangen ti daga ken ruimmuar laeng ti deed of sale ken absolute sale idi 2024.
Nasuktan ni Ignacio gapu iti kinaawan ti panagtalek ti opisina gapu iti nasao a transaksion.
Naammoan a ni Atty. Patricia Cuanan ti nangsukat ken ni Ignacio kas baro nga Overseas Workers Welfare Administration administrator.
Mainaig iti daytoy, malaksid ken ni Ignacio ket naikkat met iti puesto ni Overseas Workers Welfare Administration deputy administrator Emma Sinclair gapu iti maipagarup a maanomalya a land acquisition deal.
Inbatad ni Presidential Communications Office Undersecretary ken Palace Press Officer Claire Castro nga inikkat iti puesto ni Sinclair gapu iti ‘loss of trust at confidence’ nga adda ti pakainaiganna iti P1.4 billion land acquisition deal.
