LAOAG CITY – Agingga laengen ti Oktubre 3 ita tawen dagiti kameng ti Philippine National Police (PNP) tapno ikkaten ti ‘unauthorized’ tattoos da.
Inbatad ni Police Lieutenant Colonel Gerard Ace Pelare, ti pannakangiwat ti Police Regional Office iti Central Visayas (PRO-7), a dagiti maseknan a pulis ti aggastos tapno maikkat dagiti tattoo da.
Nagballaag a dagiti saan nga ag-comply iti mandato ti nailian a pulisya ket katukad ti “neglect of duty or irregularity in the performance of duty.”
Maipalagip nga idi Hulyo 3 a naipruk-at ti memorandum ti Philippine National Police iti pannakaikkat ti tattoo dagiti pulis.
Inpetteng ni Pelare a dagiti unauthorized tattoos ket dagiti maikonsiderar nga “extremist, racist, discriminative, and promotes violence.”
Iti baet daytoy, ti aesthetic tattoos wenno adda ti pakainaigan ti panagpapintas kas ti eyebrows, eyeliner wenno lips tattoo ket saan a karaman iti pagannurutan ti Philippine National Police.
