LAOAG CITY – Ibilang ni Ukrainian President Volodymyr Zelensky a ti panangipaay ti teritorio iti Russia ket isu ti kangrunaan a problema kalpasan ti panagsinnarita iti US-backed peace plan.
Inrakurak ti Estados Unidos ken Ukraine a nagbalin a produktibo iti panagsinnaritada iti Geneva maipanggep iti 28-point peace plan.
Nupay kasta, iti panagsarita ni Zelensky iti maysa a video message iti Swedish conference, inbatad ni Zelensky a kalikagum ni Putin ti legal a panangbigbig iti tinakawna tapno dadaelen ti prinsipio ti integridad ken soberania ti teritorio.
Binabalaw dagiti mangidadaulo iti Europa ti plano idi rimmuar daytoy iti napalabas a lawas a maibagbaga a malasin a pabor daytoy iti Russia.
Inpetteng ti Estados Unidos a dagiti pannakabalbaliw ken panangilawlawag ti inaramid iti peace plan iti Geneva.
Kabayatanna, agtultuloy ti panangraut ti Russia idiay Ukraine nga adda ti saan a bumaba iti uppat nga indibidual ti natay iti panangatake ti drone iti Kharkiv idi Domingo.
