LAOAG CITY – Inbatad ni Mrs. Elma Gabriel, mangidadaulo ti Provincial Small and Medium Enterprise Office a dakkel a tulong kadagiti negosyo a naapektaran ti pandemiya ti panangipabulod ti gobierno ti pondo para iti 13th month pay dagiti empleado.
Segun ken ni Gabriel, kaaduan kadagiti apektado a negosyo ket ti non-essential ken babassit a negosyo.
Kuna na a dagitoy ti ad-adda nga agkalikagum a makaawat ti tulong manipod iti gobierno ken naan-anay a makarekobre manipod iti epekto ti pandemiya.
Inbatad na a nu adda ti ipabulod ti gobierno para iti pannakaipaay ti 13th month pay dagiti empleado ket dakkel a makakissay iti padagsen kadagiti agtagikua ti negosyo.
Innayun ni Gabriel nga imbes nga aggapo iti pondo dagiti negosyo ti 13th month pay dagiti empleado ket maipaay babaen iti mabulod a kwarta manipod iti gobierno.
Kabayatanna, inpakaammo ni Gabriel a nga adda ti diaya ditoy probinsya a Micro Financing Assistance ken manarimaan ti pannakaiproseso ti aplikasyon dagiti nagipasa.
Maipalagip nga inpakaammo ti financial arm ti Department of Trade and Industry nga agakseptar ti zero-interest loan applications manipod kadagiti naapektaran a micro, small, and medium enterprises (MSMEs) nga agkasapulan ti tulong para iti pannakaipaay ti 13th month pay kadagiti empleado dagitoy.
Mangrugi ita nga aldaw, Nobiembre 2 agingga Disyembre 7 kuna ni kuna ni Small Business Corp. (SBCorp). spokesman Bobby Bastillo a mabalinen nga agaplikar ti babassit a negosyo.
Kabayatanna, kuna na a dagiti laeng MSMEs nga addaan ti 20 nga empleado agpababa ti mabalin nga agaplikar.
Inbatad na a mapatta-patta a 11,000 firms ti manamnama nga agaplikar basar iti rekord ti Department of Labor and Employment manipod Marso 2020 agingga Oktubre 15, 2021 nu sadino a dagitoy ti nadeterminar nga addaan ti flexible work arrangement.
