LAOAG CITY – Mangrugin ti panangipatungpal ni United States President Donald Trump ti baro a taripa kadagiti naruay a pagilian inton sumaruno a lawas.
Ti inisyal a 10% “baseline” tariff ket agbalin nga epektibo iti U.S. seaports, airports ken customs warehouses iti oras ti 12:01 ti bigat.
Segun ken ni Kelly Ann Shaw, trade lawyer ken dati a White House trade adviser idi umuna a termino ni Trump, kadagupan kadagiti maseknan a pagilian, ti umuna a makarikna ti 10% a taripa ket iti Australia, Britain, Colombia, Argentina, Egypt ken Saudi Arabia.
Ti United States Customs and Border Protection bulletin kadagiti kargador nga awan ti grace period para kadagiti kargamento iti baybay iti tengnga ti rabii ti Sabado.
Nupay kasta, ti United States Customs and Border Protection bulletin ket nangipaay ti 51-day grace period para kadagiti kargo a naikarga iti vessels wenno planes ken maibiahe idiay Estados Unidos sakbay ti 12:01 ti bigat ti Sabado no sadinno a dagitoy a kargo ket masapolna a makasangpet ti 12:01 ti bigat inton Mayo 27 tapno maliklikan ti 10% duty.
Mainaig iti daytoy, ti tariff rates ket 11% agingga iti 50%. Ti European Union imports ket napatawan ti 20% a taripa idinto a ti Chinese goods ket napatawan ti 34% a taripa.
Naammoan a ti Canada ken Mexico ket saan a karaman iti latest duties gapu ta nagtalinaedda a subject iti 25% a taripa iti U.S. fentanyl crisis for goods.
Kabayatanna, saan nga inraman ni Trump dagiti goods, 25% ti national security tariffs pakairamanan ti steel ken aluminum, cars, trucks and auto parts.
