LAOAG CITY – Ad-adalen ti Philippine National Police (PNP) ti pannakaipalawa iti panangipatungpal ti linteg kontra kadagiti motorsiklo nga addaan ti nariringgor a tambutso a gagem daytoy nga itandudo ti disiplina iti kalsada kadagiti motorista.
Inbilin ni Acting Philippine National Police Chief Police Lt. Gen. Jose Melencio Nartatez Jr. ti Highway Patrol Group (HPG) ken kadagiti amin a Regional Offices ti pulisia a naiget nga ipatungpal ti maipatpatungpal a linteg ken lokal nga ordinansa kontra iti ilegal a vehicle modification dagiti lugan.
Inbatad ni Nartatez, gagem ti nasao nga implementasion a saan nga agtiliw nga insigida no diket allukoyen ken tulungan dagiti motorista nga ipaawat a dagiti vehicle modifications ket maikanniwas iti paglintegan.
Inlawlawagna a saan a mabalin nga ibilang a simple laeng nga isyu iti trapiko ti panagusar ti open pipe gapu ta direkta a maap-apektaran ti kinatalged ti publiko ken dadduma pay a public order concerns.
Inlawlawag pay ni Nartatez a saan nga anti-rider daytoy a pagannurotan no diket kalikagum laeng ti ahensia ti natalged, legal ken responsable a panangiturong kadagiti luganda.
