LAOAG CITY – Tuloy latta ti panangipila ti kaso ti Department of Justice (DOJ) kontra iti negosiante ken gaming tycoon a ni Atong Ang ken dadduma pay a karaman iti pannakapukaw dagiti mammallot.
Daytoy ket kalpasan a kinumpirmaran ti kampo ni Ang a nangipilada ti motion for reconsideration iti Department of Justice idi Biernes.
Inbatad ni Atty. Polo Martinez, pannakangiwat ti Justice Department, saan a malappedan ti panangipila ti mosyon ti panangiyuli ti kaso iti korte.
Kunana a naitantan laeng ti panangipila ti criminal information gapu iti naiget a proseso ti panag-review tapno masigurado a saan a maibasura ti kaso.
Pakaskasoan ti Department of Justice ti kidnapping with homicide ken kidnapping with serious illegal detention da Ang ken dagiti sumurok 20 nga indibidual kalpasan a nakitaan ti prima facie evidence ken umdas a pangibasaran tapno ma-convict dagitoy.
Nangipila ti mosyon ti abugado ni Ang a ni Atty. Gabriel Villareal gapu iti maipagarup a saan a patas ken depektibo a resolusion a maipagarup a saan a maibasar kadagiti ebidensia ken aggapu laeng iti whistleblower a ni Julie Patidongan.
