LAOAG CITY – Inbilin ni Presidente Ferdinand Marcos Jr. ti pannakairuar ti agarup 100,000 a metriko tonelada ti bagas tapno mapagtalinaed ti suplay ken mapapigsa ti food security ti pagilian kas basar iti Malakanyang.
Inbatad ni Palace Press Officer Undersecretary Atty. Claire Castro a naikeddeng a mangiruar ti Department of Agriculture ita a lawas ti agarup 1.2 milyon a sako wenno 100,000 a metriko tonelada ti lokal a bagas iti babaen ti auction.
Kuna ni Castro a ti panangiruar ti bagas ket tapno papigsaen ti “Benteng Bigas, Mayroon Na” program ti Marcos administration.
