LAOAG CITY – Nangrugin ita nga aldaw ti “public consultations” ti House Committee on Suffrage and Electoral Reforms mainaig kadagiti gakat nga Anti-Political Dynasty a karaman met ti priority measures ti Legislative Executive Development Advisory Council.
Ti immuna a public consultation ket naisayangkat iti oras ti alas-9:00 idiay Carmona, Cavite
Nakipaset dagiti miembro ti komite, dagiti akin-author ti gakat ken dagiti kongresista manipud idiay Cavite ken Laguna.
Naimbitaran dagiti opisial dagiti lokal a gobierno kadagiti nagduduma nga ili ken siudad idiay Cavite ken Laguna.
Ita a 20th Congress ket addan ti 20 nga Anti-Political Dynasty Bills ti nailungalong iti Kamara de Representantes pakairamanan ti gakat da House Speaker Faustino Bodjie Dy III ken Majority Leader Sandro Marcos.
