BOMBO LAOAG – Agsasaruno dagiti lugar a pangisaysayangkatan dagiti pannakabagi ti Provincial Veterinary Office ti “veterinary mission” iti nadumaduma a paset ti probinsia.
Segun ken ni Provincial Veterinarian Dr. Loida Valenzuela, paset daytoy iti tarigagay ni Gob. Imee Marcos a maiyadayo ti sakit dagiti taraken dagiti mannalon.
Imbatadna nga ammo ti gobernador a nalaklaka nga agsakit dagiti taraken no kalkalpas ti bagyo ken tudtudo rason a napinget ti kalikagumna a mabakunaan dagiti nasao nga ayup.
Imbatad ni Valenzuela a malaksid kadagiti mangisaysayangkat ti veterinary mission ket adda pay ti grupo da a sumursurot iti Capitol Express Paspas Takder nga agibunong iti bitamina ken electrolytes para kadagiti taraken dagiti kaprobinsiaan.
Mangnamnama ti provincial veterinarian a babaen kadagiti ar-aramiden da nga addang ket narigrigat a kapten ti ania man a klase ti sakit dagiti ayup.
