LAOAG CITY – Kinumpirmaran ni House Speaker Faustino “Bojie” Dy III nga insigida a kiniddawna iti Department of Justice (DOJ) ti panangkanselar iti pasaporte ni dati a Representative Elizaldy Co kalpasan a nagikkat daytoy kas pannakabagi iti Kamara ti Ako Bicol Party-list.
Inbatad ni Dy, insigida a tinawaganna ni dati a Justice Secretary Crispin Remulla kalpasan a naawatna ti resignation letter ni Co idi Setiembre 29.
Kunana a kiniddawna iti Department of Justice ti alisto a wagas tapno makanselar ti pasaporte ni Co tapno malimitaran ti garawna iti sabali a pagilian.
Addang daytoy ni Dy iti baet kadagiti alegasion ken ni Co mainaig iti budget insertions ken maanomalya a flood control projects.
