LAOAG CITY – Mamati ni House Prosecution spokesperson Atty. Benjamin Tolosa a mabalin a mangibayag iti impeachment trial ni Vice President Sara Duterte ti panangliiklik ti depensa iti stipulation dagiti sumagmamano a dokumento.
Immunan iti daytoy, niliklikan ti dapensa nga i-stipulate dagiti sumagmamano a dokumento iti panagdengngeg inton Lunes, Agosto 10.
Segun ken ni Atty. Tolosa, nakikoordinar dagiti prosecutor iti depensa tapno ikumparar ti documentary exhibits sakbay ti panagdengngeg inton Lunes tapno maliklikan ti nabayag nga authentication proceedings iti Senate Impeachment Court.
Iti baet daytoy, inrekomendar ti depensa nga i-review daytoy inton Agosto 14, sumagmamano nga aldaw kalpasan ti sumaruno a panagdenggeg.
No saan a maikumparar dagiti dokumento sakbay ti panagdenggeg inton Lunes, manamnama ti pannaka-authenticate dagiti dokumento iti open court a mangpaatiddog ti panagusig.
Inlawlawag ni Atty. Tolosa a kalikagumda a mapaalisto ti proseso babaen ti pannaka-stipulate dagiti dokumento.
Karaman dagiti ebidensia dagiti saan nga araramaten ti depensa ti sumurok 4,000 a dokumento, karaman pay ti 800 acknowledgement receipts nga addaan ti pakainaigan ti P125 million a naanomalia a confidential funds ti Office of the Vice President (OVP) ken ti Department of Education (DepEd)
