LAOAG CITY – Inlawlawag ni Sergeant Willie Velasco, ti Highway Patrol Group ditoy Ilocos Norte a ti panangnayon ti lamps wenno lights kadagiti motorsiklo ket masapol a mairehistro iti Land Transportation Office.
Segun kenkuana, ti lamps wenno lights ket isu dagiti maikabkabil a nayon a silaw kadagiti motorsiklo a nakapsot ti raniag ti silaw dagitoy nangruna iti nasipnget a paset ti kalsada a pagdalyasatanda.
Inbatadna nga adda dagiti exempted wenno mapalubusan iti daytoy kas ti Armed Forces of the Philippines (AFP), National Bureau of Investigation (NBI), Philippine National Police (PNP), Land Transportation Office (LTO), Bureau of Fire Protection (BFP) ken dagiti hospital and clinic centers.
Kabayatanna, kiniddaw ni Sangguniang Panlalawigan Member Saul Paulo Lazo a marebisar ti Presidential Decree No. 96 nangruna ket idi pay laeng tawen 1973 a naudi a naputar daytoy.
