LAOAG CITY – Saan a pannakainaig iti eleksyon ti pannakapalto-paltog ti balay da dati a Sangguniang Bayan Member Melchor Acio iti Brgy Ngabangab iti ili a Pasuquin.
Daytoy ti inbatad ni Police Chief Insp. Joseph Dela Cruz, hepe ti PNP Pasuquin.
Kuna na a ti anggulo a kitkitaen da iti pannakapalto-paltog ti balay ni Acio ket mainaig ti manarimaan a panagimbestigar ti Sangguniang Bayan ti Pasuquin seknan ti maipagarup a mapukpukaw a pondo ti Farmer’s Cooperative.
Kuna ni Dela Cruz nga sapsapulen dagiti miembro ti kooperatiba ti pondo ngem saan a maipakita dagiti opisyal rason nga indauloan ni Acio kas miembro ti kooperatiba ti panangpaimbestigar ti problema.
Inbatad ni dela Cruz a dakkel a gatad ti karaman iti problema ti nasao a kooperatiba.
