Pinaigetan ti Department of Agriculture (DA) ti panag-inspeksion dagiti cattle meat ken karne manipud iti sabali a pagilian a sumsumrek ditoy pagilian.
Daytoy ket kalpasan ti pannakaipatungpal ti temporary ban ti panagangkat kadagiti produkto cattle meat manipud iti United Kingdom gapu iti agwarwaras a “mad cow disease” no sadinno a mapagamkan nga agwaras kadagiti dadduma a pagilian.
Iti babaen ti Memorandum Order 20, temporario a maiparit amin a live cattle, karne ken dadduma pay a produkto ti karne; dagiti bovine processed animal proteins; ken semilia ti baka manipud iti nadakamat a pagilian tapno maispasigurado nga adayo iti pangta dagiti aniaman a sakit ti local livestock industry ken dagiti consumer.
Inpasigurado ti departamento ti naiget a panagbantay kadagiti amin a sangladan ken eropuerto tapno malapdan ti iseserrek dagiti naapektaran a produkto ti karne iti pagilian tapno natalged ti publiko iti pannangan ti karne.
