LAOAG CITY – Manarimaan pay laeng ti imbestigasyon ti pulisya babaen ti panangidaulo ni Police Inspector Angelito de Juan, mangidadaulo ti Investigation section ti Camp Valentin S. Juan.
Daytoy ket pakaseknan iti maipagarop a panangtungpa ken panagbekkel ni PO1 Ronel Bolusan iti maysa a babai.
Inbatad daytoy ni Police Senior Supt. Cesar Pasiwen, Provincial Director ti PNP ditoy probinsya.
Segun kenni Pasiwen, kunana a no addan ton ti resulta t imbestigasyon ket addan to pay ti maiwayat da a conference seknan iti daytoy.
Immunan nga adda ti inyuswat ti PNP-Laoag nga imbestigasyon no sadinno a napan nagresponde ni Bolusan iti komosyon ket maipagarop nga awan ti respeto ti babai kenkuana.
Rumrumwar iti imbestigasyon ti PNP-Laoag ket nairana a lumabas iti lugar ti komosyon ken nagresponde iti riri.
