LAOAG CITY – Inbatad ni Mrs. Divine Sevilla, maysa a counseling professional ditoy probinsya a dakkel a makatulong iti panangitandudo ti importansya ti mental health.
Kuna na a daytoy ket kas iti kalikagum ni Sen. Bong Go nga ad-adda a matutokan ti mental health programs ditoy pagilian ken manayunan ti pondo.
Segun ken ni Sevilla, adon dagiti agpaspasar ti nagduduma a mental health problems kangrunaan iti kangitingitan ti pandemiya.
Inbatad na a babaen iti pannakapapigsa ti mental health ket ad-ado dagiti matulungan a makalasat manipod iti aniaman a problema ken mailikik iti dakes a panggep.
Mainaig iti daytoy, kuna ni Sevilla a kas maysa a counseling professional ket dakkel a makatulong iti pannakaiwaras ti importansya ti mental health ken dagiti epekto daytoy iti lungalong pay ni Sen. Go a manayunan pay ti pondo iti daytoy.
Immunan nga inpakaammo ni Sevilla a ditoy probinsya, ti Speak Up I’M Here a programa ti gobierno probinsyal ket kanayun a silulukat ken agawat kadagiti kliyente a kayat na nga agpatulong ken maisalbar ti mental health na.
