LAOAG CITY – Nailawlawag a ti panagpanawagan ti International Criminal Court para iti ad-ado pay a testigo nga umasideg da laeng ken mangipaay ti imporasyon mainaig iti nadara a kampanya kontra iti illegal a droga ti gobierno ket mangipakita a ti proseso ket magmagna ken saan nga indikasyon a nakapuy ti ebidensya.
Daytoy ti inbatad ni Atty. Kristina Conti, ti assistant to counsel iti International Criminal Court.
Naglikudan ni Conti ti ideya a ti ICC prosecutor ket awan ti ebidensya na iti kaso kontra ken ni dati a Presidente Rodrigo Duterte nga addda iti agdama iti The Hague, Netherlands.
Immunan nga inrakurak ti abogado ni Duterte a ni Atty. Nicholas Kaufman, a mamati a saan a rumbeng nga ipublikar ti apela ngem bigbigbigen na a dagiti prosecutors ket obligado a mangituloy ti imbestigasyon.
Segun iti Office of the Prosecutor, ti kangrunaan a gutgutiguten da nga agtestigo ket dagiti kameng ti Philippine National Police ken dadduma pay a law enforcement agencies a karaman kadagiti operasyon.
