LAOAG CITY – Nagballaag ti maysa nga espesyalista iti Makati Medical Center’s Dermatology Department iti acne wenno pimple breakouts kadagiti adu a tattao gapu iti masansan a panagleng-et ita a panawen ti kalgaw.
Segun ken ni Dermatologist Lucia Castro-Flores, masansan tunggal madanon ti summer season ket masansan nga agleng-et ken agtitipon dagiti banag a maiyap-aplikar iti rupa kas dagiti moisturizers, makeup ken powder.
Nagballaag ti espesyalista iti masansan nga ar-aramiden babaen ti towel wenno panyo a pagpunas ti leng-et iti rupa.
Inabisoan ni Flores nga agpili ti “disposable tissues” imbes a tuwalya wenno panyo para iti pagpunas ti rupa.
Inlawlawag ti espesyalista ti epekto ti polusion ken pudot iti salun-at ti kudil ken panangipaganetgetna kadagiti addang iti panangliklik tapno saan a makapasar ti acne.
Insingasingna ti panagusar ti oil-free ken non-comedogenic skincare products tapno maliklikan ti panagbara ti abut iti kinabara ti panawen.
Innayonna a ti mangdegdeg ti pannakapasar ti acne ket ti panagbalbaliw ti hormonal, panagsigarilyo, kurang a panagturog ken stress.
