LAOAG CITY – Dinayaw ken nagyamanan ti Pangasinan Electric Cooperative dagiti 7 a linemen ti Ilocos Norte Electric Cooperative gapu iti kinaalisto da a napan timmulong tapno maisubli dagiti linya ti kuryente a nadadael gapu iti napalabas a bagyo Emong.
Patien da a gapu iti tulong ken dedikasyon dagitoy iti trabahoda ket alisto a natarimaan dagiti linya ti kuryente iti probinsya ti Pangasinan.
Mainaig iti daytoy, nangisayangkat dagiti empleyado ti Pangasinan Electric Cooperative ti send off ceremony para kadagiti linemen ti Ilocos Norte Electric Cooperative kas panangipakita ti napalaos a panagyaman da.
Maipalagip a dagiti linemen ti Ilocos Norte Electric Cooperative ti immuna nagturong idiay Bolinao, Pangasinan tapno tumulong babaen ti inisyatibo ni Acting General Manager Perry Martinez no sadinno a nagtalinaed dagiti maseknan ti nasurok a dua a lawas iti nasao a probinsya.
