LAOAG CITY – Inbutaktak da Senate Minority Leader Alan Peter Cayetano ken Sen. Pia Cayetano ti panagdanagda iti mapapati a pangta ken pammutbuteng kadagiti sumagmamano a senador-judges a makipaspaset iti impeachment trial ni Bise Presidente Sara Duterte.
Iti maika-24 nga aldaw ti panangusig, sinaludsod ni Pia ken ni dati a Sandiganbayan Presiding Justice Amparo Cabotaje-Tang no nakapasaranen dagiti hurado ti pangta a mainaig iti trabahoda.
Inangaw met ni Senator Alan Peter Cayetano no mabalin a maipaulog ti writ of amparo para kadagiti senador-judges a makapaspasar ti pammutbuteng.
Mainaig iti daytoy, impetteng ni Senator Alan Peter Cayetano nga adda dagiti mapapati a pangta kadagiti senador ti oposision, ngem saanna a direkta nga innaganan ti indibidual wenno grupo iti likudan dagitoy.
Dinakamatna pay dagiti statements mainaig iti posible a pannakaipila ti kaso kontra kenkuana ken dadduma pay a political developments kas paset ti maipagarup a pressure iti oposision.
