LAOAG CITY – Inpasigurado ti Department of Agriculture nga agtultuloy ti panagsagana da para iti umad-adani a La Niña ditoy pagilian.
Segun ken ni Agriculture Sec. Francisco Tiu Laurel Jr., panggep daytoy nga inisiatiba tapno malapdan ti dakes nga epekto ti weather phenomenon iti sektor ti agrikultura.
Inbilin pay ti sekretario iti National Irrigation Administration nga isagana dagiti water impoundings ken dam a saklawen dagitoy.
Iti agdama, ket mannarimaan ti pannakaipatungpal dagiti baro a sistema ti irigasion ken pannakaipasdek ti solar irrigation ken dadduma pay a proyekto.
Kabayatanna, rinugian Department of Agriculture ti panaggatang kadagiti flood resistant varieties nga iwaras kadagiti mannalon ditoy pagilian.
