LAOAG CITY –Inbatad ni Palace Press Officer Undersecretary Claire Castro, nga awan ti rason tapno ag-panic buying wenno ag-hoard ti bottled water dagiti umili iti baet ti manamnama a Super El Niño.
Segun kenkuana awan ti impormasion ti gobierno a maaddaan ti kinakurang iti suplay ti mainom a danom kadagiti pagtagilakoan ken grocery.
Ginutigot met ti Palasyo ti publiko nga agsagana laeng ti umanay ken saan nga aggatang iti nasursurok negm ti kasapulan.
Inlawlawag ni Castro a mabalin a makaapekto ti saan a kasapulan a panagngato ti presio ti bottled water gapu ta makissayan ti suplay iti merkado a mabalin a pagdanagan ti publiko.
Innayonna a no kabaelan ti pagilian a mapasaran ti El Niño idi napalabas a tawen, ket kabaelanna met a sangoen ita iti babaen ti umno a panagsagana ken koordinasion ti gobierno.
