LAOAG CITY – Balligi a naiwayat ti panaka-blessing dagiti baro a lugan ti City Government of Laoag.
Segun ken ni Atty. Charito Malicad ti Information Officer iti lokal a gobierno ti ciudad ti Laoag, dagiti baro a lugan ket pakairamanan ti tallo a units ti Isuzu Dump Trucks a maipaay iti Office of the City Engineer; dua a unit ti Toyota Passenger Vans a maipaay met iti Office of the City General Services Office; maysa a unit ti Toyota pick-up a maited iti Office of the City Planning and Development Coordinator; ken maysa pay a unit ti pick-up para iti City Disaster Risk Reduction and Management Office.
Kuna ni Malicas a ginatang ti lokal a gobierno dagitoy a lugan tapno makatulong a mangpaalisto a mangimplementar kadagiti nagduduma a serbisyo para kadagiti residente.
Inrakurakna a ti nausar a pananggatang kadagitoy ket manipud iti mismo iti pondo ti City Government.
Kabayatanna, ti pannaka-bless dagiti nasao a lugan ket inatendaran dagaiti opisyal ken empleyado ti City Government pakairamanan ni Jail Insp. Sheila Marie Sapaden iti Bureau Jail and Managemnet Penology (BJMP), P/Capt Irineo Sibucao Jr. manipud iti Philippine National Police (PNP), ken ni Senior Fire Officer II Elegio Garcia Jr. iti Bureau of Fire Protection (BFP).
