LAOAG CITY – Nagpanawagan ni Las Piñas City Representative Camille Villar nga isardeng ti diskriminasyon kontra kadagiti miembro ti LGBTQIA+ community.
Inpaganetget ni Villar, a kasapulan nga aklonen ken respetaren ti karbengan dagiti lesbians, gays, bisexuals, transgenders, queers, intersex, ken asexuals.
Segun pay ken Villar, masapul nga ipakita nga amin a tattao ket agpapada aniaman ti estado ti biag.
Namunganay daytoy kalpasan dagiti isyu ditoy pagilian nga adda diskriminasyon maipapan iti sexual orientations, gender identities, ken expressions ti maysa a kameng ti LGBTQIA+.
Inaramid ti mammanday linteg daytoy bayat ti selebrasyon ti Pride Month ita a bulan ti Hunyo.
