LAOAG CITY – Agtultuloy ti imbestigasyon iti pannakatay ti dua a lineman kalpasan a nakuryente da bayat ti panagiplastar da ti waya ti kuryente idiay Brgy. 12 iti ili a San Nicolas.
Binigbig ni Pol. Staff Sargeant Police Investigator ti PNP San Nicolas dagiti biktima a da Talio Portela, taga Brgy. 9, kenni Marcon Domion a taga Brgy. 6 iti nasao nga ili, agpada a lineman iti Zone 6 Ilocos Norte Electric Cooperative.
Segun kenkuana, nu adda ti nakasaksak a generator ket adda ti posibilidad na a kumamang kadagiti linya ti kuryente.
Innayon na nga idi dumanon da iti lugar ket nakasalungayngay dagiti bagi ti dua a lineman iti poste.
Naitaray ni Domion iti Laoag City General Hospital ken naitaray met ni Portela iti Provincial Hospital.
