LAOAG CITY – Nalpasen ti pannaka-survey iti pannakaikabil ti temporario a silaw iti bypass road ditoy siudad ti Laoag.
Segun ken ni Mayor James Bryan Alcid, nasken a maikkan ti importansiana ti pannakaikabil ti temporario a silaw gapu ta maysa daytoy kadagiti arungaing dagiti motorista.
Inbatadna nga ad-adalenda a naimbag daytoy gapu ta no agpakonektarda iti Ilocos Norte Electric Cooperative ket amangan isu met ti panagsangpet dagiti maestablisar a solor lights a mangitunda ti panagdoble laeng ti magastos ti lokal a gobierno.
Inlawlawagna a manarimaan ti panangbirukda pay kadagiti agkalikagum nga agdonar a supplier ti solar lights tapno saanda unay a makagastos.
Mangnamnama ni Mayor Alcid a maikkan ti silaw iti bypass road iti kabiitan a panawen para iti nataltalged a panagdalyasat dagiti motorista.
