LAOAG CITY – Iti baet ti pannakaatiw, agtultuloy latta nga umaw-aawat ti kablaaw ti Gilas Pilipinas iti nagbalin a napintas a kampania iti Olympic Qualifying Tournament (OQT).
Maipalagip a naabak ti Pilipinas iti crossover semifinals kontra iti Brazil, iti iskor a 71-60 iti baet ti napintas a performance daytoy iti umuna a kagudua iti paset ti ay-ayam.
Adu kadagiti opisial ti pagilian ken dagiti basketball fans ti nangkablaaw iti national team iti baet ti nasao a pannakaatiw.
Naaramid ti Gilas nga abaken ti world No.6 a Latvia iti baet ti panagbalin nga underdog ti Pinoy team pakairamanan ti nakalaban a world No. 23 a Gerogia ket dandani nga inabak ti Pinoy team, wagas tapno sumrekda iti Semis.
Segun ken ni Samahang Basketball ng Pilipinas President Al Panlilio, nupay nasakit ti nagbalin a resulta ti ay-ayamda ket agserbi daytoy kas building block para iti sumaruno a torneo a pakipagpasetan ti Pilipinas.
Maysa kadagiti kitkitaen ti opisial ket ti ad-adda pay a panangpapigsa ti Philippine national team tapno agbalin a best Asian team ken ma-qualify para iti 2027 World Cup.
