LAOAG CITY – Kinumpirmaran ni Police Lt. Col. Amador Quiocho, hepe ti PNP Laoag nga adda ti CCTV footage a pagibas-basaran da iti panagimbestigar iti pannakabagkong ni SK Chairman Tristan Jade Felipe Cu ken residente iti Brgy. 22 San Andres ditoy suidad.
Inbatad na a naaddaanen ti puot ti Sk Chairman bayat iti pannakaagas na iti Gov. Roque Ablan Sr. Memorial Hospital.
Maipalagip nga idi rumwar dagiti dua iti nasao a panganan ket dita a dimteng dagiti saan pay a nabigbig a suspek ken naaddaan da iti saan a panagkinnaawatan iti biktima.
Inruwar ti biktima iti immuko na bayat ti panagkabkabil da ngem naagaw ti suspek.
Nabagkong ti namindua a daras ti biktima ket nagsagaba pay ti sugat iti naduduma a paset ti bago da.
Kalpasan ti panagbagkong ket nagbayad dagiti suspek iti kinnan da ken inbati da ti immuko bulon dan a nagtalimpuagaw iti saan a naamuan a direksyon.
