LAOAG CITY – Inpakaammo ni Mr. Henry Afaga, iti Pennsylvania, USA, tubo iti ili ti Bacarra, a dakkel a question no bilang agbaliktad pay laeng ti botos iti nagbaetan da Presidente Donald Trump kenni Democratic candidate Joe Biden.
Daytoy ket gapu ta mangabngabak ni Presidente Trump kontra kenni Biden iti nasao nga estado.
Kuna na a very exciting ti agbalin a resulta gapu ta adu pay laeng ti mabalin a mapasamak iti botos iti nasao nga estado agsipud ta adda pay laeng dagiti lugar a saan pay a nabilang ti botos na.
Kuna na nga adda pay iti 1.2 a milyon a mail-in ballot ti saan pay a nabilang kangrunaan iti Philadelphia county ken mano-mano ti panagbilang.
Segun kenni Afaga, adu ti nangibotos kenni Biden iti nasao a county.
Inbatad ni Afaga a possible a malpas ti panagbilang ti botos agingga intono Biernes, aldaw iti nasao nga estado.
Inbunannag na a ti Pennsylvania ket maibilang a deciding factor iti eleksiyon ita a tawen.
Innayon ni Afaga a no magun-od ni Trump ti electoral vote iti nasao nga estado ken sumagmamano pay nga estado ket isun ti mangabak kas presidente.
