LAOAG CITY – Naisaang iti kamara de representantes gakat a mangdusa kadagiti “political prostitutes,” wenno politiko a kanayun nga agsukat ti political parties.
Babaen iti House Bill No. 1536 wenno ti Anti-Political Prostitute Act, kalikagum ni Surigao del Rep. Robert Ace Barbers a misardeng ti political turncoatism nu sadino a patien na a daytoy ti nagblain a popular practice iti Philippine politics nangruna iti panawen ti eleksyon ken daytoy ti mangpakapsot iti party system ken demokrasya.
Iti lungalong ni Barber, naipalawag ti political turncoatism kas panagsukat iti political party affiliation kabayatan nga adda iti termino dagiti elective elective officials.
Karaman pay ditoy dagiti agsukat ti partido maysa a tawen sakbay wenno kalpasan ti election ken pakairamanan dagiti independent wenno party list candidates, nangabak wenno saan man dagitoy.
Kabayatanna, saan a karaman iti gakat dagiti politiko a nagsukat ti partido sakbay a nagbalin nga epektibo; dagiti naburak ti partido na wenno adda ti pannakainiag na iti coalition ken dagiti nagikkat gapu iti kaawan ti political opportunism.
Mainaig iti daytoy, ti Political turncoats ket mabalin a maireport babaen iti registered voters iti Commission on Elections (Comelec) ken dagitoy ti mangtratar ti reklamo.
Para kadagiti elected public officials, ti pannusa ket saan nga agtuloy iti nakaalektaran a posisyon idinto a dagiti independent candidates wenno members ti political party wenno party-list group ket saanen a maipalubos dagitoy nga agpaidasig iti agsaruno a dua nga eleksyon.
Dagiti nanganak wenno naabak nga elective officials ket madiskwalipikar manipod iti posisyon a nakadutukan da, public wenno government office iti uneg ti tallo a tawen kalpasan ti expiration iti agdama a termino da wenno posisyon a nasapataan.
Kabayatanna, nu makikappeng iti baro a political party dagiti politiko ket saan a maipalubos dagitoy nga agasumer iti aniaman nga executive wenno administrative position ken isubli da amin ti pondo a a naawat manipod iti partido nayun ti 25 percent surcharge.
Nu bilang mapagbalin a linteg ti nasao a gakat, amin a political parties ket masapol nga agisumitir iti Comelec ti kompleto a listaan dagiti miembro ken updated tunggal innem a bulan.
Dagiti saan a makaipasa ti requirement ket masuspenso para iti accreditation ti maysa a tawen.
Basra pay ken ni Barbers, ti inlungalong na ket mangipaay ti napudno a party system ken mangitandudo ti party loyalty, disiplina ken pannagsurot iti ideological principles.
