LAOAG CITY – Dakkel a pakaidayawan kadagiti umili ditoy probinsya ti pannakadutok ni Ambassador ken dati a chief of staff Roy Cimatu kas DENR Secretary.
Daytoy ti inbatad ti maysa a miembro ti Sangguniang Bayan iti ili a Bangui nga hometown ni Cimatu.
Kuna ti konsehal a nagkedked a mainaganan a kabaelan na nga aramiden ni Cimatu ti baro a takem na gapu ta nagaget ken nalaing daytoy.
Ngem para iti konsehal, nasaysayaat no ni Gina Lopez pay laeng ti DENR Secretary tapno maituloy na dagiti narugyan nga addang ti DENR nangruna iti isyu ti panagminas ditoy pagilian.
