LAOAG CITY – Inaprobaran ti konseho ditoy ciudad ti Laoag ti pannakaestablishar ti BESO wenno Barangay Employment Service Office.
Segun kenni Liga ng mga Brgy. President Hon. Roque Rbee Ablan, gagem ti nasao nga ordinansa a papigsaen ken tulungan ti Public Employment Service Office.
Daytoy ket babaen iti panangipaay ti job matching, employment assistance, ken livelihood support iti uneg mismo iti brgy.
Patien ni Ablan a babaen iti nasao nga ordinansa ket alalisto a matulungan da dagiti kabarangayan da nga agaarsarak iti panggedan, ken adda iti opisina da nga pagturungan laengen dagiti job seekers.
Ti nasao nga ordinansa ket kas suporta iti kalikagum ni City Mayor James Bryan Alcid a panangipaay ti oportunidad kadagiti umili.
