LAOAG CITY – Manamnama a mairubwat ita a tawen ti “Matulunging Namumuno, Maasahanag Gobierno” a baro a programa ti gobierno probinsial.
Daytoy ket kalpasan nga adda ti nakasagana a 10,000 nga assistance card a maibunong para kadagiti kaprobinsiaan.
Segun ken ni Mrs. Luz Ortal, OIC ti sustainable development center (SDC) a babaen iti nasao a programa maikkan ti assistance card dagiti “head of family” kangrunaan dagiti agserserbi iti pribado a kompanya nga apektado iti covid-19 pandemic.
Inlawlawag na a ti nasao nga assistance card ket mausar iti panagpaagas iti ospital ken nu bilang adda ti pumusay a kapamilya ti benepsiyaryo.
Kuna na a 10,000 a ribo a pisos ti maitulong kadagiti agpaagas iti ospital kasta met nu adda ti pumusay gapu iti natural a rason idinto a 50,000 a pisos ti maited nga assistance kadagiti pumusay gapu iti aksidente.
Mainaig iti daytoy, inbatad ni Ortal nga agpaot iti tallo a tawen ti pannakausar ti assistance card.
Innayun na a dagiti agkalikagum nga agaplikar iti nasao a programa ket agturong laeng iti opisina da iti SDC.
