LAOAG CITY – Balligi iti panakaiwayat ti pannakaibunong dagiti nagdududma a banag a makatulong kadagiti mannalon ditoy probinisiya.
Mainaig iti daytoy, ti nasao a programa ket indauloan ni Presidente Ferdinand Marcos Jr. no sadinno naiwayatdaytoy iti Mariano Marcos State University-Covered Court.
Segun ken ni Presidente Marcos, daytoy nga aktibidad ket kas paset ti kalikagum ti administrasyonna a mapapintas ken mapapigsa ti agriculture sektor ditoy pagilian.
Mainaig iti daytoy, ti nasao a programa ket naipaima dagiti agri-fisheries, bukbukel, ganagan, fuel subsidies ken solar-powered irrigation systems kadagiti nagdumaduma nga asosasion dagiti mannalon iti umuna ken maikadua a distrito ditoy probinsiya.
Umabot ti 157.95 million pesos ti gatad ti naipaay kadagiti benipisiaro no sadinno 99.88 million pesos ket naggapo manipud iti Department of Agriculture ken 58.07 million pesos manipud iti Provincial Government ti Ilocos Norte.
Inbatadna a daytoy a collaborative project ket kalikagumna a papintasen ti agri-fishery production ken ibangon dagiti umili manipud iti naglabas a kalamidad iti rehiyon 1.
Innayonna, daytoy ket maysa a wagas iti panangipakita ti gobierno iti panangibigbig ti sakripisyo dagiti mannalon pakaseknan iti kontribusyonda iti food security ken economic growth ti pagilian.
