LAOAG CITY – Napintas unay nga addang no inyulin ni Gov. Imee Marcos idiay Korte Suprema ti agtultuloy a pannakabalod ti Ilocos 6 idiay Kongreso.
Daytoy ti reaksiyon ni Bokal Atty. Vicentito Lazo maysa kadagiti abogado ti Ilocos 6 kalpasan a naipadanon kenkuana babaen ti Bombo Radyo ti addang ti gobernador.
Kuna ni Lazo a numan pay saan na pay a nabasa ti petisyon nga inpila ti gobernador isu a limitado ti sungbat na ket nasken unay gapu ta uray isu da nga abogado ket nagsasaritaan da iti pannakaidatagna iti Korte Suprema tapno maamuan no rumbeng ti inaramid ti kongreso a panagibalod iti Ilocos 6.
Innayon ni Lazo a no kas bilang ta writ of habeas copuz wenno writ of Amparo ti naipila ket insigida a mapakaamuan dagiti respondent no saan nga agriro ket iti las-od ti 72 nga oras.
Maipalagip nga iti laksid nga adda ti pinaruk-atan ti Court of appeals a pammilin a mawayawayaan dagiti Ilocos 6 ket saan a nagtulnog ti Kongreso rason nga agtultuloy ti pannakabalod dagitoy.
